Ewch yn ôl

Cwestiynau Cyffredin

Llwybr Goleuadau'r Nadolig - Cwestiynau Cyffredin 

Archebu a Pharcio
  • Sut ydw i'n archebu lle ar gyfer y Llwybr Goleuadau?

Does dim angen archebu lle ar gyfer y Llwybr Goleuadau. Mae'r llwybr yn rhad ac am ddim (bydd rhaid talu am barcio - £8.00).

  • Pryd mae'r Llwybr Goleuadau yn cael ei gynnal?

Mae'r Llwybr Goleuadau yn agor ar 5 Rhagfyr hyd at 22 Rhagfyr, 5pm – 9pm.

  • A alla i dalu am barcio ar y noson?

Gallwch, ond rydyn ni'n eich cynghori i dalu am eich parcio ymlaen llaw gan y bydd hyn yn arbed amser ac unrhyw giwiau ar y noson. Gallwch dalu ymlaen llaw yma: https://www.parcgwledigpenbre.cymru/hawlen-parcio-flynyddol/

  • Mae gen i Hawlen Barcio, oes angen i mi dalu mwy i barcio?

Nac oes, rydych chi eisoes wedi talu am flwyddyn gyda'ch hawlen barcio.

  • Ble bydd y cyfleusterau parcio?

Ym Maes y Mynachod. Trowch i'r chwith ar ôl y rhwystr a byddwch chi'n gweld y tîm i'ch cyfeirio i le parcio.

  • A fydd parcio i bobl anabl?

Bydd, rhowch wybod i aelod o'r tîm pan fyddwch chi'n cyrraedd y maes parcio. Mae'r lleoedd parcio i bobl anabl wrth ochr y fynedfa i'r llwybr.

  • A alla i gael ad-daliad am barcio ymlaen llaw os nad ydw i’n dod?

Na allwch, ni allwn ad-dalu ffioedd parcio pobl os nad ydyn nhw'n dod.

  • A fydd y Llwybr yn cael ei ganslo os yw'n bwrw glaw?

Na fydd, ni fydd y digwyddiad yn cael ei ganslo ond rydyn ni’n eich cynghori i wisgo dillad addas ar gyfer y tywydd. Dim ond oherwydd tywydd garw fel gwyntoedd cryfion a niwl isel drwy'r llwybr y bydd y llwybr yn cael ei ganslo.

Gweithgareddau a Siôn Corn
  • A oes rhaid archebu i weld Siôn Corn?

Oes, mae'n rhaid i chi archebu ymlaen llaw. Ni allwn addo y bydd amseroedd ar gael ar y noson heb archebu ymlaen llaw, er y gall amseroedd fod ar gael yn dibynnu ar y ciwiau ar y pryd: Gallwch archebu ymlaen llaw yma: https://www.parcgwledigpenbre.cymru/be-symlaen/digwyddiadau/sion-corn-yn-y-coetir-7-22-rhagfyr/

  • Ble bydd Siôn Corn?

Bydd Siôn Corn yn ei gaban yn y coetir sydd tua hanner ffordd drwy'r Llwybr Goleuadau ger y caban Siocled Poeth.

  • A ydych chi'n cynnal sesiwn synhwyraidd?

Ydyn, rydyn ni wedi neilltuo 10 Rhagfyr ar gyfer y Noson Sesiwn Synhwyraidd a gallwch hefyd ymweld â Siôn Corn ar y noson honno drwy archebu yma: https://www.parcgwledigpenbre.cymru/be-symlaen/digwyddiadau/sesiwn-llwybr-goleuadaur-nadolig-syn-gyfeillgar-ir-synhwyrau/

  • Pa mor hir yw'r sesiwn tiwbio?

Mae'r sesiwn tiwbio yn para 30 munud ac mae ar gyfer plant 6 oed a throsodd.

  • Beth yw'r terfyn oedran ar gyfer y toboganau?

Yr isafswm oedran yw 3 oed a rhaid i bob plentyn 3 - 8 oed fod yng nghwmni oedolyn ar y toboganau. Gallwch archebu tobogan ar ôl iddi dywyllu rhwng 4pm a 6pm. Ar ôl yr amser hwn bydd rhaid talu a chiwio. 

  • A oes Ffair Grefftau eleni?

Nid ydym yn cynnal y penwythnos Ffair Nadolig Draddodiadol ond mae cabanau Nadolig amrywiol gyda chrefftau ac anrhegion bob nos yn ystod y llwybr goleuadau.

  • A fydd ffair bleser?

Bydd ffair bleser gyda reidiau addas i blant iau a hŷn.

  • A alla i gael ad-daliad am weithgaredd os na alla i ddod mwyach?

Na allwch, ni fydd ad-daliad yn cael ei roi am y gweithgareddau.

  • Beth os yw'r digwyddiad yn cael ei ganslo oherwydd tywydd garw - beth sy'n digwydd i'm harchebion?

Byddwn yn ceisio trefnu noson arall i chi ond bydd amseroedd cyfyngedig gan rai pethau fel tiwbio, bydd parcio a Siôn Corn yn cael eu trefnu ar ddiwrnod gwahanol.  Os na allwn drefnu noson arall, wrth gwrs cewch eich ad-dalu.

Y llwybr
  • Faint o'r gloch mae'r Llwybr Golau yn agor?

Mae'r llwybr golau ar agor rhwng 5pm - 9pm bob nos

  • Pa mor hir yw'r llwybr?

Mae pawb yn cerdded ac yn mwynhau'r llwybr ar gyflymder gwahanol. Bydd y rhan fwyaf o deuluoedd yn cymryd tua 30-45 munud ac nid yw'n llwybr hir ond rydyn ni'n eich gwahodd i fwynhau'r holl arddangosiadau.

  • A yw'r llwybr yn addas ar gyfer cadeiriau olwyn a phramiau?

Mae'r llwybr ychydig yn anwastad mewn rhannau ond mewn tywydd sych mae'n addas. Os cewch unrhyw broblemau, rhowch wybod i aelod o'r tîm a gallwn helpu.

  • A alla i ddod â chi?

Mae croeso i gŵn, ond rydyn ni'n mynnu eu bod yn cael eu cadw ar dennyn byr bob amser a bod yr holl faw cŵn yn cael ei godi. 

  • Beth yw'r amser diweddaraf y gallaf fynd ar y llwybr

Mynediad olaf i'r llwybr yw 8.30pm

Bwyd, Diod ac Adloniant
  • A fydd bwyd ar gael?

Bydd bwyd ar gael drwy Arlwyo Awyr Agored a'r caban Siocled Poeth ar y llwybr.

  • A fydd yna adloniant?

Bob nos, bydd adloniant byw ym mhabell y digwyddiad.

  • Oes modd i mi dalu â cherdyn?

Byddwn yn derbyn arian parod neu gerdyn, ond yng nghanol y coed gall y signal ar gyfer y cerdyn fod yn anoddach. 

Gwybodaeth Ail-archebu ar ol Storm Darragh
1. Ymweliadau Siôn Corn:
Dewch ar unrhyw noson arall gyda'r cadarnhad o'ch archeb.
2. Archebion Tiwbio:
E-bostiwch gweithgareddaupenbre@sirgar.gov.uk i aildrefnu.
3. Tobogan:
Ewch unrhyw ddiwrnod arall ar unrhyw adeg gyda'r cadarnhad o'ch archeb.
4. Stondinwyr:
Bydd ad-daliadau'n cael eu rhoi; bydd y tîm yn cysylltu â chi.
5. Parcio Ymlaen Llaw:
E-bostiwch gwybodaethpenbre@sirgar.gov.uk i aildrefnu eich parcio, neu i gyfnewid am docyn ymadael yn y Ganolfan Sgïo a Gweithgareddau neu unrhyw le bwyd ar noson wahanol.

Dewch i fwynhau'r llwybr goleuadau, mae'r tîm yn gweithio'n galed i greu a gwneud y propiau i chi eu mwynhau. Gofynnwn i chi gael gwared ar eich gwastraff a'ch bod yn parchu eich gilydd a'r tîm. 

Nadolig Llawen