Gwersi sgïo

Gwersi sgïo

Sesiwn Hyfforddi Oedolion

Os hoffech chi wella eich sgiliau sgïo, mae ein sesiwn hyfforddi i oedolion ddydd Mawrth am 11am yn gyfle perffaith i wneud hynny.

P'un a ydych chi'n ddechreuwr neu'n sgïwr o fri, bydd ein hyfforddwyr profiadol yn eich helpu i godi eich sgiliau sgïo i'r lefel nesaf.

Ac ar ôl y sesiwn, ymunwch â ni am sgwrs hamddenol dros goffi a chacen gyda phobl eraill sy'n frwd dros sgïo - mae'n ffordd wych o gysylltu ag eraill a rhannu eich cariad tuag at y llethrau!

£24 y pen yn cynnwys hyfforddiant am 1 awr, ymarfer am 30 munud, coffi a chacen.

...............................................................................

Gwersi mewn Grŵp

£15.50 y plentyn (5oed +) ac £22 yr oedolyn

Pris am 1 awr, yn cynnwys llogi offer a hyfforddiant.

MAE POB GWERS GRŴP YN PARA 1 AWR

RHAGFLAS: RHAI NAD YDYNT YN DEFNYDDIO'R LIFFT

Hanfodol i'r rhai sy'n sgïo am y tro cyntaf a'r rhai nad ydynt wedi sgïo ers tro ac sydd ag ychydig o brofiad (ers mwy na 6 mis).

Bydd y wers hon yn canolbwyntio ar safiad ac osgo. Symud o gwmpas ar y man gwastad gan wisgo sgïau. Mynd i fyny'r llethr a sgïo syth. Ymarferion sgïo syth.

....................................................................................

EFYDD: RHAI NAD YDYNT YN DEFNYDDIO'R LIFFT

Rhaid iddynt fod wedi cwblhau sesiwn rhagflas.

Crynhoi sgïo syth/osgo. Cyflwyniad i aradr eira (rheoli cyflymder).

Aradr eira syth. Addasu maint a siâp yr aradr eira i newid cyflymder. Troi o gwmpas ar y llethr heb gymorth.

...................................................................................

ARIAN: RHAI NAD YDYNT YN DEFNYDDIO'R LIFFT

Crynhoi Efydd. Cyflwyniad i droi. Llywio'r sgïau, newid radiws y troad i reoli cyflymder. Troadau unigol i ddechrau cyn symud ymlaen i droadau cysylltiedig. Cynyddu'r uchder a'r pellter yn raddol. 

................................................................................

AUR: DEFNYDDWYR Y LIFFT

Crynhoi Arian. Mireinio siâp y troad drwy ychwanegu mwy o bwysau at y sgi sy'n troi. Amrywio radiws y troad, siâp aradr llai, gan ddibynnu ar y troad i reoli cyflymder.

Cyflwyniad i sgïo tuag at sgïo cyfochrog a sgïo cyfochrog.

Mae gan y wers hon ffocws llawer ehangach ar dechnegau sgïo canolradd.

Siaradwch â'ch hyfforddwr cyn archebu lle ar y lefel nesaf.

Efallai y bydd angen ailadrodd rhai gwersi.

Mae ymarfer agored yn allweddol i gynnydd.

..........................................................................

Gwersi Sgïo ac Eirafyrddio Preifat - FFONIWCH I ARCHEBU 01554 834443

Mae'r rhain ar gael i unigolion neu i grŵp bach o hyd at chwe sgïwr/eirafyrddiwr o allu tebyg. Mae gwersi preifat yn sesiwn ddwy awr, sef un awr o hyfforddiant ac un awr o ymarfer yn syth ar ôl hynny.

...................................................................................

Hyfforddiant Taith Sgio

Oes gennych chi daith wedi'i harchebu y gaeaf hwn?

Ydych chi'n ansicr beth i'w ddisgwyl?

Yng Nghanolfan Sgïo a Gweithgareddau Pen-bre mae gennym yr holl atebion i chi.

Gall ein tîm profiadol ac ymroddedig eich tywys trwy bopeth sydd angen ichi ei wybod am sgïo.

Gallwn ni eich addysgu am y "Ski Way Code". Côd ymddygiad ar gyfer defnyddwyr y llethr y mae'n rhaid i bawb gadw ato.

Gwahanol fathau o lifftiau sgïo a sut i'w defnyddio a sut rydych chi'n gwybod mai'r offer llogi a ddarperir yw'r offer cywir i chi.

Mae'r sesiynau'n cael eu cynnal bob dydd Sul am 1pm yn cychwyn 19 Hydref

Cost Cwrs 6 wythnos - £95 Oedolyn, £54 Pobl Ifanc (12 oed i 16 oed)

Mae sesiynau'n rhedeg yn olynol, ni ellir ailadrodd un neu fwy o sesiynau sydd wedi'u colli.

Ni roddir ad-daliad am y cwrs.

Archebwch yma

...............................................................

Rhaid archebu pob gwers ymlaen llaw ar-lein.

Mae'r gwersi yn dechrau ar y llethr ar yr amser a hysbysebwyd.

Dylech gyrraedd o leiaf 20 munud cyn dechrau'r wers (neu efallai y gwrthodir mynediad i'r sesiwn).

Rhaid gorchuddio'r breichiau a'r coesau yn llawn, a rhaid gwisgo menyg.

Rhaid talu ffioedd parcio Parc Gwledig Pen-bre.

Ar gyfer unrhyw ymholiadau, e-bostiwch gweithgareddaupenbre@sirgar.gov.uk