Swyddi Wag
Cynorthwyydd Cegin - Cyflenwad Mamolaeth (Oriau blwyddynol)
Os ydych yn angerddol dros fwyd ac mae gennych ymagwedd dda tuag at waith, hoffem glywed gennych oherwydd mae angen Cynorthwyydd Cegin i lenwi cyfnod mamolaeth am 12 mis. Mae hwn yn gontract tymor penodol oriau blynyddol, bydd hyn yn golygu y bydd gofyn i chi weithio 37 awr yr wythnos yn ystod oriau brig ond mewn cyfnodau tawelach bydd yr wythnos yn 12 awr. Cyfanswm yr oriau ar gyfer y flwyddyn fydd 1121, cyfartaledd o 21.56 yr wythnos.
Cewch gyfle i weithio mewn amgylchedd prysur a chyffrous wrth weithio i ni. Byddwch yn gyfrifol am gynorthwyo ein Cogydd i baratoi prydau bwyd maethlon a blasus gan sicrhau y cydymffurfir â phob agwedd ar Hylendid Bwyd ac Iechyd a Diogelwch. Bydd dyletswyddau eraill yn cynnwys gosod a chlirio byrddau, ac ymgymryd â dyletswyddau glanhau cyffredinol.
Mae arnom angen unigolyn brwdfrydig ac ymroddedig sy'n meddu ar y canlynol: -
- Y gallu i feithrin perthnasoedd da gyda rhieni a phlant ar sail parch at y naill a'r llall.
- Gwybodaeth am ddiogelwch bwyd sylfaenol. Byddai hyn yn fanteisiol ond nid yw'n hanfodol gan y bydd hyfforddiant llawn yn cael ei roi.
- Sgiliau pobl a sgiliau cyfathrebu da
- Y gallu i weithio'n annibynnol ac fel rhan o dîm.
Bydd angen arnoch:
- Agwedd gadarnhaol a'r parodrwydd i ddysgu sgiliau newydd.
- Hyblygrwydd a'r parodrwydd i gynorthwyo â dyletswyddau arlwyo eraill.
Am sgwrs anffurfiol cysylltwch â Victoria Silvers ar 01554 742423.
Cynorthwyydd Bwyd a Diod Achlysurol
Mae tîm Hamdden Awyr Agored Cyngor Sir Caerfyrddin yn chwilio am unigolion brwdfrydig a llawn cymhelliant i ymuno â'n tîm fel Cynorthwywyr Bwyd a Diod ym Mharc Gwledig Pen-bre a Llyn Llech Owain. Byddwch chi'n chwarae rôl allweddol wrth baratoi a gweini bwyd a diod, gan ddarparu gwasanaeth blaen tŷ rhagorol mewn modd cyfeillgar, croesawgar, proffesiynol ac effeithlon.
Y Prif Ddyletswyddau
- Paratoi a chyflwyno bwyd a diod i safon uchel, gan ragori ar ddisgwyliadau cwsmeriaid.
- Darparu'r lefel uchaf o ofal cwsmeriaid drwy fod yn groesawgar, yn gwrtais ac yn gymwynasgar.
- Casglu adborth cwsmeriaid i wella ein gwasanaethau'n barhaus.
- Helpu i greu amgylchedd bywiog i gwsmeriaid gydag awgrymiadau ardderchog yn weledol ac ar lafar.
- Gweithredu mannau gwerthu, trafod arian parod a thrafodion cardiau yn unol â pholisïau a gweithdrefnau.
- Cadw at safonau o ran hylendid bwyd, trwyddedu ac Iechyd a Diogelwch.
- Gwirio, cylchdroi a diogelu stoc, cynorthwyo gyda danfoniadau, a sicrhau storio cywir i leihau gwastraff.
- Cynnal glendid ym mhob man gwaith, gan hyrwyddo agenda 'Gwyrdd a chynaliadwy' Sir Gaerfyrddin.
- Cefnogi canllawiau a gweithdrefnau brand perthnasol.
- Gweithio'n effeithiol fel rhan o dîm, gan gynnal gwerthoedd craidd a safonau ymddygiad y Cyngor.
Bydd y rôl hon yn gofyn am weithio ar y penwythnos yn ogystal â gyda'r nos yn ystod y tymor prysur.
I drafod y rôl, cysylltwch â Victoria Silvers drwy ffonio 01554 742423
Cydgysylltydd Digwyddiadau
Mae'r Tîm Hamdden Awyr Agored wedi ymroi i greu profiadau cofiadwy trwy ddigwyddiadau eithriadol. Rydyn ni’n chwilio am Gydgysylltydd Digwyddiadau talentog a brwdfrydig i ymuno â'n tîm a'n helpu i gynnal digwyddiadau eithriadol sy'n rhagori ar ddisgwyliadau ein cleientiaid.
Fel Cydgysylltydd Digwyddiadau ym Mharc Gwledig Pen-bre, byddwch chi’n gyfrifol am gynllunio, trefnu a chynnal amrywiaeth o ddigwyddiadau ym mhob un o'n lleoliadau. Byddwch chi hefyd yn gweithio'n agos gyda threfnwyr digwyddiadau sy'n llogi ein mannau digwyddiadau, gwerthwyr, a thimau mewnol i sicrhau bod pob manylyn yn cael ei reoli'n ofalus a bod y rhaglen ddigwyddiadau yn mynd yn hwylus.
Am sgwrs anffurfiol cysylltwch â Emma Thomas - 01554 742368.
Gwirfoddolwyr
Rydym bob amser yn chwilio am wirfoddolwyr o fewn ein Parciau Gwledig a Gwarchodfeydd Natur. Rôl wych i gwrdd â phobl newydd
Gall tasgau gynnwys gwaith cadwraeth a chynorthwyo gyda digwyddiadau a llawer mwy.
I gael rhagor o wybodaeth, cysylltwch â'n Cydgysylltydd Cadwraeth a Seilwaith Gwyrdd trwy e-bost: paubrey@sitgar.gov.uk
